Inçizimi kompromentues nga biseda e kryeministrit Nikolla Gruevski me ish-ministrin për Transport dhe Lidhje Mile Janakieski, është autentike dhe nuk është e montuar. Kjo është provuar nga analiza e një laboratori gjerman verifikimin e së cilës e kishte porositur rrjeti televiziv Al Jazeera, për njërën nga shumë biseda telefonike në të cilat kryeministri Gruevski është i përfshirë, e të cilat padyshim komprometojnë figurën e tij.
Analizën e ka kryer laboratori “Tonambulanz”.
Në bisedën kontestuese Gruevski – Janakieski, ata kurdisin një pazar nga një kompani kineze që ndërton autostrada në Maqedoni për çka eksperti i zërit Fabian Scherer, ka analizuar vetëm faktin se vallë bëhet fjalë për incizim të montuar, ndërsa nuk është marë me konfirmimin se të kujt janë zërat.
Pas shtatë orë të ekspertizës, ai ka nxjerrë këto përfundime:
“Mendimi im është se bëhet fjalë për origjinal. Nuk mund të jeni 100 për qind të sigurt, por 99 për qind bëhet fjalë për incizim original.Disa dëshmi të forta sugjerojnë këtë”, thotë Scherer.
Sipas tij janë dy kanale audio dhe kjo është shumë vështirë të montohet: “Distanca e vonesës së njërit kanal nga tjetri gjithmonë është i njëjtë. Nëse do të ishte e montuar, vonesa do të ndryshonte prandaj them se kjo pjesë është padyshim origjinale”, thotë ai.
Cilësia e incizimeve tha Scherer, tregon se biseda është incizuar me pajisje profesionale me zë shumë të qartë me shumë pak ushtimë:
“Ky format 8.000 bit është tipike për pajisjet profesionale”, shton ekperti gjerman. /tesheshi.com/
