Narendra Modi, kryeministri i Indisë, zgjedh të udhëtojë natën me avionin Air India One për të kursyer kohën. Në vend të fjetjes në dhomën e hotelit, ai ka zgjedhur që gjumin ta bëjë në fluturim.
Vetëm 97 orë ka zgjatur udhëtimi i tij i fundit në tre shtete, çka do të kishte qenë e pamundur nëse ai do të zgjidhte t’i kalonte netët në hotel.
Brenda kësaj hapësire kohore ai ka vizituar Brukselin, Uashingtonin dhe Riadin në fillim të këtij muaji.
Udhëtimi nga Delhi në Bruksel, nga Brukseli në Uashington, e nga kryeqyteti amerikan në Riad, do të kishte zgjatur më së paku gjashtë ditë nëse kryeministri i Indisë nuk do të kishte bërë këtë zgjedhje. Modi ka qëndruar vetëm dy netë në hotel, në Uashington dhe në Riad.
Në kërkim të efikasitetit më të madh të shfrytëzimit të kohës, kryeministri i Indisë ka vendosur ta kursejë “qëndrimin joproduktiv natën në hotelet e huaja,” duke e shfrytëzuar atë për udhëtimet ajrore. Në 20 udhëtime ai ka vizituar 40 vende. /tesheshi.com/
