Nga Kavaja, presidenti Meta ka dhënë shpjegimin e radhës në lidhje me mosdekretimin e shkarkimit të ministrit të Jashtëm Bushati, i cili pritet të zëvëndësohet nga njeriu pas tij në krye të diplomacisë, kosovari Gent Cakaj.
Meta tha se ishte në përmbushje të detyrimeve të tij, për të pritur infot e nevojshme rreth figurës së ministrit të ri.
“Unë po përmbush të gjitha detyrimet kushtetuese që ka Presidenti i Republikës në këtë rast. Sikurse e keni vënë re, të gjitha propozimet janë konfirmuar menjëherë, që vijnë nga politika, nga Kuvendi, pasi janë përfaqësues, të cilët kanë kaluar disa filtra në të kaluarën përsa i takon integritetit të tyre publik. Për të gjithë emrat e rinj apo figurat e reja që promovohen për ministra, pra që propozohen si të tillë po bëhet detyra normale, me shumë përgjegjësi për verifikimin e integritetit të tyre në mënyrë që të respektojmë institucionin e ministrit, si një institucion shumë të rëndësishëm kushtetues”.
Pothuajse të njëjtën praktikë Meta ndoqi dhe më rastin Lleshaj, por me një tëndencë të qartë politike. /tesheshi.com/
