Kopshti i fruta dhe i zarzavateve është një ide e arkitektëve italianë në bashkëpunim me holandezët, që ka për qëllim të edukojë fëmijët me bujqësinë që në moshë të vogël.
Në fakt njohja e fëmijëve me agrikulturën dhe me mbrojtjen e ambientit duhet të jetë përgjegjësi e prindërve dhe edukatorëve.
Fakti që fëmijët janë shumë kuriozë për të zbuluar gjëra të reja apo për të parë më nga afër gjëra që i përjetojnë çdo ditë, por nuk ua dinë origjinën, është një ndihmesë shumë e madhe në nismën e të nxënit të njohurive mbi botën e bimëve.
Kështu, të nxënit do të realizohet përmes vështrimit të natyrës, eksperimenteve praktike dhe nëpërmjet teknikës së të mbjellurit. Pra, veprimtari edukuese por edhe argëtuese për fëmijët. /tesheshi.com/
