Kompania e implanteve të trurit të Elon Musk – Neuralink është nën hetim nga Komiteti i Mjekëve për Mjekësinë Përgjegjëse mbi metodat e saj të transportit, pasi një grup i të drejtave të kafshëve kontaktoi Departamentin e Transportit të SHBA-së.
Komiteti i Mjekëve për Mjekësinë Përgjegjëse tha se të dhënat publike tregojnë se në vitin 2019, punonjës të patrajnuar të Neuralink në Universitetin e Kalifornisë kryen eksperimente mbi majmunët makakë rhesus, pas të cilave ata transportuan pajisje “të kontaminuara” të hequra nga truri i majmunëve “të infektuar” jashtë hapësirës mbrojtëse të paketimit, transmeton AP.
Komiteti tha se të dhënat mjekësore të majmunëve që iu dhanë treguan se pajisjet nervore të transportuara mund të kenë qenë të kontaminuara me patogjenë rezistent ndaj antibiotikëve, duke përfshirë Stafilokokun dhe Klebsiellan, të cilat mund të shkaktojnë pneumoni, infeksione të qarkullimit të gjakut dhe meningjit.
Komiteti tha se pajisjet ishin gjithashtu të kontaminuara me Corinebacterium ulcerans, një “patogjen njerëzor në zhvillim” që mund të shkaktojë difterinë vdekjeprurëse.
“Të dhënat tregojnë se praktika e ngathët e Neuralink përbën një kërcënim për shëndetin dhe sigurinë publike,” tha Debora Dubow, ndihmës këshilltare e Komitetit të Mjekëve për Mjekësinë Përgjegjëse.
Neuralink është një kompani që punon në lidhjen e trurit me kompjuterët, e cila në fund synon të ndihmojë në trajtimin e çrregullimeve të trurit, tejkalimin e dëmtimeve të trurit dhe aplikacione të tjera. /tesheshi.com/
