Peruja është një komb me tre rajone dhe me tre klima të ndryshme, të cilat janë: e thatë në zonat bregdetare, variable në pjesën e Andeve dhe e lagësht në xhungël. Temperaturat arrijnë deri në 44 gradë celcius në rajonin bregdetar. Pjesa malore, pra ajo e Andeve, ka një klimë të lagësht nga dhjetori në mars dhe një klimë të thatë nga prilli në nëntor. Xhungla është gjithmonë e lagësht, por shirat më të mëdhenj bien nga dhjetori në mars.
Gjatë verës, në Ande temperatura arrin nga 22 në 27 gradë celcius gjatë ditës. Në mbrëmje ajo zakonisht ulet në -1 gradë.
Xhungla peruane lëviz mes të nxehtës dhe të lagështës, me temperatura që arrijnë deri në 33 gradë celcius gjatë ditës dhe 22 gradë celcius në mbrëmje. Shiu bie në çdo kohë, ndaj udhëtimi në xhungël shpesh është i rrezikshëm.
Pjesa e shkretëtirës bregdetare është po aq e thatë sa është xhungla e lagësht. Atje bie shumë rrallë shi. Megjithatë, kjo pjesë ka edhe bimësi, të cilat përgjithësisht lulëzojnë nga korriku deri në nëntor. Oazet e vogla me ujë duken si kopshte natyrale në mes të shkretëtirës. /tesheshi.com/
