Në një reagim ndaj ndalimit të volumit fonik të thirrjes së ezanit nga autoritetet izraelite në Jeruzalemin e pushtuar, banorët muslimanë të qytetit e kanë thirrur atë në një mënyrë unike: nga çatitë e shtëpive të tyre.
Video e cila dokumentoi ngjarjen u përhap në mënyrë virale nëpër mediat sociale në të gjithë botën islame, ka nxitur lëvdata për iniciativën dhe kritika për kufizimet e vazhdueshme izraelite të lirive fetare.
Në një shfaqje sfiduese solidariteti kundër vendimit izraelit ndaj ndalimit të paarsyeshëm, një kishë e krishterë në qytetin e Nazaretit mori vendim të paparë për të lejuar thirrjen islame për namaz nga muret e saj.
Gjesti i fuqishëm i mbështetjes nxiti një valë masive admirimi në botën muslimane, i cili e pa atë si mishërim të historisë së gjatë të mbështetjes dhe dhembshurisë në mes të muslimanëve dhe të krishterëve në Palestinë.
Sipas Bassam Bahr, avokat dhe kryetar i një komiteti lokal në Abu Dis, autoritetet okupuese më parë u kishin thënë muezinëve se thirrja e ezanit për namazin e mëngjesit (sabahut) nuk do të lejohet.
Në një intervistë për burimin lokal të lajmeve, Ma’an, Bahr ka përshkruar ndalimin si të pajustifikuar, sikur edhe të gjitha kufizimet tjera fetare që janë në fuqi vetëm për muslimanët në territorin e pushtuar.
Një grup i kolonëve izraelitë në Pisgat Zeev, një vendbanim i paligjshëm në Jeruzalemin lindor, denoncoi atë që e quajti “ndotje nga zhurma” për thirrjen islame për namaz. /tesheshi.com/
