Shpërthimi në nivel global i epidemisë së koronavirusit na bën të mendojmë mbi zakonin e prekjes së fytyrës me duar për shumë arsye, ose fare pa arsye.
Dhe specialistë të shëndetit thonë se në këtë pikë duhet patur shumë kujdes.
Në vitin 2015, Universiteti i Sidneit anketoi studentë të mjekësisë dhe vuri në dukje se sa herë prekën fytyrën.
Secila nga 26 mjekët e ardhshëm të vëzhguar preku fytyrën e tij mesatarisht 23 herë në një orë.
Gati gjysma e tyre prekën sytë, hundën ose gojën, raporton CNN.
Dhe ndërsa ne trajtojmë epideminë e re, zyrtarët thonë se një prekje e vetme është e mjaftueshme për të ngjitur mikrobet nga gishtat në trupin tuaj, duke prekur pra hundën, sytë ose gojën.
“Viruset që ndikojnë në sistemin e frymëmarrjes hyjnë në trup përmes mukozës së hundës, zgavrës me gojë dhe buzëve. Higjiena e dobët e duarve e bën të lehtë infektimin në këtë mënyrë”, tha infeksionisti, dr. Daën Mueni Becker, specialist i sëmundjeve në Gainesville, Florida.
Pak ditë më parë u publikua një video e cila u bë virale për shkak se një zyrtare shëndetësore në Kaliforni, ndërsa këshillonte në një konferencë shtypi pikërisht këtë gjë, pra mos prekjen me duar të fytyrës për shkak të koronavirusit, në një çast ngjeu gishtin me pështymë për të ndërruar faqe deklarate.
“Filloni të punoni për të mos prekur fytyrën tuaj, sepse kjo është një nga mënyrat themelore në të cilën virusi përhapet”, tha ajo dhe më pas ra preh e gjestit të rrezikshëm. /tesheshi.com/
Coronavirus instructions.
Wait for it…https://t.co/WvnKBwKUtb— Rex Chapman🏇🏼 (@RexChapman) March 4, 2020
