Shërbimi sekret i SHBA ka mbyllur hyrjen për në Shtëpinë e Bardhë pasi që në rrethinën e saj ka dëgjuar një shpërthim derisa prisnin nisjen e presidentit amerikan Barack Obama në qytetin Selma në Alabama. Sipas informatave të pakonfirmuara, ka shpërthyer një kamion i ushqimeve. Njësia K9 e shërbimit sekret ka ekzaminuar një veturë në cep të avenysë 16 dhe Avenysë Kushtetuese që kufizohet me lëndinën jugore të Shtëpisë së Bardhë ka thënë zëdhënënsi i këtij shërbimi për mediat amerikane Brian Leary.
Ndërkohë nga shërbimi i zjarrfikësve të Washingtonit është bërë e ditur se në rrugën veriperëndimore(në lindje të Shtëpisë së Bardhë) një kioskë për shitjen e ushqimit është djegur dhe zjarri është shuar.
Gazetarët të cilin ishin në oborrin e Shtëpisë së Bardhë për ta përcjellur presidentin Obama dhe gruan e tij që shkonin në shënimin e 50 vjetorit të marshimit historik në Selma të Alabamasë pas shpërthimit u vendosën në dhomën e konferencave dhe hyra në shtëpinë e Bardhë u ndalua.
Në vend të helikopterit, Obama, gruaja e tij Michele, vajzat Malija dhe Sasha, u larguan nga Shtëpia e Bardhë me vetura, pastaj për të udhëtuar për në Alabama me një aeroplan të Forcave Ajrore të SHBA-ve.
