Në një kohë kur shkolla është shndërruar në pasyrimin më real të degradimit tonë shoqëror, ndodh që na vijnë dhe prej aty lajme të mira, sinjale dhe shenja se ka ende në arsim modele të shkëlqyera devocioni, si me nxënës ashtu dhe me mësues. Këtë e has në fshatin Tarazh të Mirditës, ku nxënësit e nisin ditën nën tingujt e himnit të flamurit, një ritual atdhetar i harruar.
Kjo falë një mësuesi si Nikoll Tusha i cili jep muzikë, që dhe kabinetin e ka allasoj që dhe në kohët më të mira të arsimit shqiptar, vështirë të jetë hasur.
E njohur për një gurrë të larmishme, krahina e Mirditës është dalluar historikisht për këngët popullore, sidomos tekstet dhe motivet, që i ndjeri poet Gjok Beci, aq mjeshtërisht i përfaqsoi në krijimtarinë e tij të njohur.
Dhe Nikoll Tusha, fare mirë mund të konsiderohet pauses i kësaj tradite, edhe pse një mësues fshati. Ai Prej 40 vitesh ai është punonjës në sektorin e kulturës në Mirditë dhe mësues në shkollën e Tarazhit.
Kabinetin e muzikës që shihni në foto, ai e ndërtoi në vitin 2011 në prag të 100-vjetorit të Pavarsisë, duke e shndërruar më së shumti në një “panair” instrumentash, nga më të hershmet dhe deri tek të sotmet me funksion të caktuar didaktik tw mësimdhënie.
Pra stendat e konceptuara vijnë të përgatitura në funksion të programit mësimor dhe objektet muzikore janë nga më të vjetrat si briri, poliku etj. dhe deri tek instrumentat e kohës si kitara, organo, pa harruar traditën mirditore si sharkia, çiftelia e temperuar, çiftelia e zakonshme, çeftelia për fëmijë etj. Dhe gjithçka është një kontribut i tij personal.
Përgatiti: Ahmet Zani – tesheshi.com
