Policia kombëtare e Haitit njoftoi se ish-senatori John Joel Joseph është arrestuar në Xhamajka për përfshirje në vrasjen e presidentit Jovenel Moise.
Zëdhënësi i policisë Gary Desrosiers tha për Associated Press se John Joseph ishte në paraburgim por pa dhënë detaje të mëtejshme.
Ndërkohë, shefja e policisë xhamajkane Stephanie Lindsay tha për AP se Joseph dhe njerëz të tjerë janë arrestuar me të cilët autoritetet po përpiqen të përcaktojnë nëse janë anëtarë të familjes.
Ajo tha se ata u arrestuan herët në mëngjes dhe nuk pranoi të jepte detaje.
“Për disa arsye, ne nuk mund të japim më shumë informacion,” tha ajo.
Joseph është një politikan nga Haiti dhe një kundërshtar i partisë Tet Kale të Moise.
Ai është i dyshuari i dytë që arrestohet në Xhamajka. Në fund të tetorit, ish-ushtari kolumbian Mario Antonio Palacios u arrestua. Ai është ekstraduar së fundmi nga Shtetet e Bashkuara dhe është në pritje të një seance tjetër gjyqësore. /tesheshi.com/
