Një politikan i njohur shqiptar kë shkelur në Ukrainë, edhe ai i veshur me anti-plumb.
Është pikërisht kryeparlamentari i Shkupit, Talat Xhaferri. Ai, i shoqëruar nga stafi i tij i afërt, ka njoftuar se vizita është bërë me ftesë të ftesë të homologut ukrainas Rusllan Stefançuk.
“Sot, me ftesë të homologut tim Stefançuk jam në vizitë në Kiev. Vizitova Irpinin dhe Hostomelin. Lufta mban aromë tjetër në vendngjarje, ndryshe nga ajo në fotografi. Qetësia është ndryshe në zonat luftarake”, shkruan politikani i BDI-së, një forcë e dalë nga lufta e 2001-shit në Maqedoni.
Ky është rasti për të kujtuar se Talat Xhaferi, një gostivarli, ka qenë një ish-gjeneral i armatës maqedonase, një nga të paktët ushtarakë ekselentë të Maqedonisë me studime të përfunduara në Akademinë elitare të Beogradit.
Në luftën e para 20 viteve, përqendruar më së shumti në rrethinat e Tetovës, atij iu kërkua të mposhtte rezistencën shqiptare, por arriti mjeshtërisht të shmangë vëllavrasjen ku donte ta fuste Shkupi politik. /tesheshi.com/
