Artisti konceptual Almir Dervisheviç ngriti një instalacion të ri arti përpara Gjykatës Ndërkombëtare të Drejtësisë në Hagë.
Përkrenarja blu e OKB-së në kombinim me dorezën nga shporta e synon të tregojë se në kohën që jetojmë interesat janë në fakt më të rëndësishmit.
“Është koha të shkundemi nga kjo situatë, të lëvizim, të ballafaqohemi me të vërtetën, dukuritë që na rrethojnë t’i quajmë me emrin e duhur dhe, të vetëdijshëm për këtë, të krijojmë shoqërinë tonë të bazuar në të vërtetën dhe drejtësinë në të cilën çdo person do të ketë të drejta të barabarta”, ka theksuar ai Dervisheviç.
Me këtë vepër ai paralajmëron se demokracia po keqpërdoret për, siç tha ai, vendosjen e një sistemi skllavërie ndaj pushteteve neokoloniale. Në këtë proces, siç tha ai, individët e robëruar, komunitetet, madje edhe shtetet e tëra e humbin lirinë, të drejtat e tyre, pronën, identitetin dhe jetën e tyre.
Autori e shpjegon sa më sipër “në shembullin e tregtisë së lirë” e cila në fund e shkatërron ekonominë dhe prodhimin vendas në masë të madhe dhe kështu e bën atë shoqëri të varur nga produktet e jashtme.
Ai është i mendimit se ne mund dhe duhet ta bazojmë të ardhmen, sigurinë dhe prosperitetin tonë në radhë të parë në kapacitetet tona.
“Jam i bindur se e kaluara dhe e tashmja na mëson se, në fakt nuk mund të presim që faktorët ndërkombëtarë (përfaqësuesit e ideologjisë neo-kolonialo-imperialiste) të kontribuojnë në realizimin e nevojave tona, veçanërisht të sigurisë.
Ne bëhemi të varur pikërisht nga ata që janë atje për interesat e tyre dhe që përpiqen për varësinë tonë prej tyre në çdo aspekt.
Qëllimi i tyre është të sundojnë të tjerët, duke u diktuar ndjenjën e injorancës dhe paaftësisë për të sunduar veten.
Problemi i vërtetë është se të pasurit janë të uritur, jo se të varfërit janë të uritur”. /tesheshi.com/
