Eshtë infektuar së fundi nga COVID-i dhe një ndër figura ikonike të pandemisë në Shqipëri, mjeku epidemiolog Pëllumb Pipero.
Buja në këtë rast vjen nga fakti se dr. Pipero ishte ndër të parët të vaksinuar me vaksinën Pfizer, ditën që nisi procesi në “Air Albania”, startuar me vaksinimin dhe nga kryeminitri Rama.
Dhe, në një ambient të “toksikuar” me dyshime e konspiracione, infektimi i tij e shton dhe më tepër dozën e të parit me dyshim që të procesit të vaksinimit në Shqipëri, i mbarsur me paragjykimet që ushqen politika e ditës.
Por sipas mendimit shkencor, imunizimi ndodh ditë pas marrjes edhe të dozës së dytë. Ndërkohë, dr. Pipero ka marrë vetëm dozën e parë.
Nga ana tjetër, epidemiologu Ilir Alimehmeti tha se “doza e parë ka efektivitet eksperimental”.
“Siguri nuk ke kurrë me vaksinë kjo për shumë arsye. Mund të jetë një trup që nuk reagon mirë ndaj vaksinës, por ka edhe disa lloje njerëzish që nuk mund të vaksinohen si shtatzënat apo edhe fëmijë”, tha epidemiologu i njohur. /tesheshi.com/
