Botuesi dhe analisti italo-shqiptar Karlo Bolino, përcjell mesazhin se mediat duhet nuk duhet të jenë transmetuese të verbëra të çdo deklarimi nga ana e politikës kur është fjala për akuza, nëse ato nuk shoqërohen me prova konkrete e bindëse njëherësh.
Për këtë, Bolino është ngacmuar nga fakti i asaj që ka ndodhur me Trump-in së fundi.
“Mediat e mëdha amerikane, duke ndërprerë mbrëmë transmetimin e deklaratave të Trump pasi i konsideruan “jo të vërteta” na kujtuan detyrën e profesionit tonë.
Nuk jemi mbajtës mikrofonash të politikanëve dhe të shpifjeve të tyre dhe kur akuzojnë pa prova, nuk jemi të detyruar t’i transmetojmë.
Një shembull i dobishëm për ata politikanë shqiptarë që konsiderojnë si një detyrë të televizioneve të transmetojnë të gjithë deklaratat e tyre, përfshi dhe shpifjet pa prova, sepse përdorim frekuenca publike.
Siç shihet, realiteti edhe këtë herë, është ndryshe nga bindjet e tyre”, shkruan Bolino.
Por vetë ky i fundit a e ndjek këtë rregull etik? Po të shohësh më vëmendje, mediat e tij, sidomos Shqiptarja.com vuan të njëjtën sëmundje, pavarësisht linjës editoriale që ka zgjedhur të mbajë.
Edhe aty ka plot deklarime akuzatore që me etikë minimale gazetareske, nuk duhen publikuar.
Si shembull mund të merret fakti që ç’nxjerr nga goja Lefter Maliqi, një prej dhjetra personazheve politikë anekdodikë, ofrohet pa asnjë filtër për lexuesin. /tesheshi.com/
