Atleti amerikan, Paul Chelimo fitoi medaljen e argjendtë në garën 5,000 metra për meshkuj të shtunën mbrëma, por jo gjithçka shkoi vaj për të, pasi për një çast ai mendoi se është skualifikuar, duke iu kumtuar ky lajm në mënyrën më të vrazhdtë të mundshme.
Chelimo mendoi se do intervistohej për NBC pasi fitoi medaljen. Por në vend të kësaj, ai kuptoi nga moderatori se kishte qenë i skualifikuar Për fat të mirë, vendimi më vonë është anuluar, por jo para momenteve shumë të tensionuara të paraqitjes së tij live në TV.
Chelimo sapo kishte kaluar vijën e finishit, i dyti në garë pas favoritit Mo Farrah nga Britania e Madhe. Dhe kjo, për amerikanin me prejardhje keniane ishte një finish fantastik.
Por në vend të kësaj, gazetari i NBC, Leëis Johnson, filloi intervistën duke thënë: “Paul, sapo mora informatën se ju jeni skualifikuar nga gara”.
Reagimi i Chelinos në këtë ishte një tronditje e vërtetë.
Pas disa momente heshtjeje, Chelimo i mbushur frymë tha: “I skualifikuar? Jo, jo, jo”.
Chelimo duket se ishtë skualifikuar pas një kontakti që ngjau në xhiron e fundit. Johnson i tregoi Chelimos videon, i cili nga ana e tij u mundua t’ia sqarojë moderatorit arsyen e kontaktit, pasi po e ndjente se vrapuesit e tjerë e kishin bllokuar atë dhe nuk po e lejonin të dalë në shtigjet e jashtme.
“Nuk po mund të besoj”, vazhdoi Chelimo. “Unë bëra një vrap korrekt. Nuk shtyva askën. Po mundohesha të dalë në shtegun e jashtëm, ngase vrapuesi kubanez po më mbante të mbyllur tërë kohën”.
Trajnerët amerikanë apeluan vendimin, i cili përfundimisht u përmbys, duke i dhënë kështu medaljen e argjendtë Chelimos. Megjithatë, duket se gjithë kjo situatë do të ishte shmangur, sikur të ishte trajtuar në mënyrë më të mirë. /tesheshi.com/
https://youtu.be/rxPBHHbfcbc
