Për fat të keq, të gjithë në një pikë duhet të përballen me vrazhdësinë, armiqësinë apo zilinë. Dhe shumë prej nesh kanë një përgjigje natyrale, disa më të butë e disa më të ashpër. Por duket të jetë e rëndësishme të mbajmë në mendje se mënyra sesi ne reagojmë ndaj negativitetit që na përplaset në fytyrë nga të tjerët, është gjithmonë vetëm zgjedhja jonë.
Në një ilustrim komik, por të vlefshëm, me vizatime “Bright Side” ndan një fabul që kërkon të na mësojë diçka të rëndësishme: ndonjëherë është më mirë të ruajmë qetësinë dhe të mos reagojmë fare ndaj gjërave të këqija që na përplasen në fytyrë.
Pak a shumë historia është kjo:
Një herë, një luftëtar arrogant hyri në dhomën ku jepte mësim një samuraj i mençur. “Je një plak budalla, nuk ke më fuqi, unë të hedh në tokë në sekondë”, ishin ofendimet e tij.
Samuraj vazhdoi të jepte mësim pa dhënë përgjigje dhe luftëtari u largua. “Mjeshtër, ti e le të largohej pa e pësuar. Duhet ta kishte sfiduar në një dyluftim”, I tha samurajit një nxënës.
Samuraj përgjigjet: “Nëse dikush të sjell një dhuratë dhe ti nuk e pranon, e kujt është dhurata?. “E atij që e ofroi”, tha nxënësi.
“Eshtë e njëjta gjë me fyerjet dhe zilinë: nëse refuzon t’i marrësh, ato i takojnë atij që i ofroi”. /tesheshi.com/
