Autoritetet janë duke hetuar sulmin me kamion që ndodhi në një treg në Berlin, i cili la të patën 12 të vdekur.
Ja çfarë dihet deri tani:
Ku ndodhi ?
Breitcheidplatz është sheshi përballë memorialit “Kaiser Wilhelm” ku ndodhi sulmi dhe është një destinacion popullor turistik.
Çfarë ndodhi?
Këto pamje të kujtojnë sulmin në Nice të Francës korrikun e kaluar, ku u vranë 86 vetë nga një sulm i ngjashëm me kamion.
Viktimat
Policia ka konfirmuar se 12 vetë kanë humbur jetën deri tani. Të paktën 50 vetë janë lënduar, disa në kushte të rënda. Punonjësit e emergjencës kanë ngritur tenda në vendngjarje.
Policia
Policia ka bllokuar çdo hyrje për në sheshin ku ndodhi sulmi. Hetuesit kanë pyetur publikun me anë të rrjeteve sociale që të mos shkojnë në skenën e krimit apo të përhapin lajme të rreme.
Të dyshuarit
Policia ka konfirmuar se një përson është arrestuar. Një pasagjer humbi jetën në kamion gjatë sulmit. Akoma nuk dihet gjë për të kaluarën e sulmuesve.
Hetimi
Forcat speciale policore kanë siguruar zonën përreth vendngjarjes. Gjithashtu, policia është pozicionuar edhe në kopshtin zoologjik Bahnhof. Policia shtetërore për krimet e rënda e ka marrë në dorë hetimin e çështjes.
Reagimet
Një zëdhënës i kancelares gjermane, Angela Merkel tha se ajo është në kontakt të vazhdueshëm me ministrin e Punëve të Brendshme, Thomas de Maizier dhe kryebashkiakun e Berlinit. Ndërsa presidenti gjerman e konsideroi këtë një tragjedi. /tesheshi.com/
