Ji Seong-ho, i cili u largua nga Koreja e Veriut dhe u bë anëtar i Parlamentit të Koresë së Jugut, pretendon se është 99 përqind i sigurt se udhëheqësi komunist Kim Jong-un ka vdekur dhe se motra e tij do të marrë pushtetin.
“Unë pyesja veten se sa gjatë mund të duronte pas operacionit kardiovaskular. Unë u informova se Kim kishte vdekur fundjavën e kaluar,” i tha Ji agjensisë së lajmeve Yonhap.
“Nuk është 100 përqind e sigurt, por mund të them që mundësia është 99 përqind,” shtoi Ji, duke theksuar se Koreja e Veriut mund të konfirmojë vdekjen e tij këtë fundjavë.
Ai gjithashtu miratoi mendimet e disa ekspertëve se Kim Yo-jong, motra e Kim, ka të ngjarë të bëhet lideri tjetër i Koresë së Veriut.
Kim nuk është parë në publik që nga 11 prilli, kur ai kryesoi një takim të Partisë së Punës. Ai raportohet se ndërroi jetë për shkak të komplikimeve me zemrën e tij. /tesheshi.com/
