Gjithmonë e më shpesh bëhen në botë hotele dhe shtëpi pushimi të veçanta, në vende të rralla, të cilat u lejojnë vizitorëve të shijojnë bukuritë e vendeve të caktuara, edhe pse shpesh mes rrezikut.
Një prej më të veçantëve dhe më të bukurve në botë, me shumë mundësi është edhe hoteli Nature Vive Skylodge, i cili ndodhet në Cuzco të Perusë. Dhomat e këtij hoteli janë kapsula transparente të ngjitura në faqet e malit.
Është e pa,mundur të përshkruhet me fjalë ndjesia që përjetojnë njerëzit që kalojnë natën nën këtë pamje marramendëse në Valle Sacra. Çdo dhomë e hotelit ka përmasa 2.5 dhe 7 metra dhe ka gjithë pajisjet që nevojiten për komfort dhe rehati. Në të mund të mirëpriten deri në 8 persona.
Fjetja në këto dhoma është një eksperiencë unike, por nuk këshillohet për ata që vuajnë nga lartësitë, duke qenë se hoteli ndodhet në mbi 1300 metra lartësi. Zona në të cilën ai është ndërtuar, më parë ishte e aksesueshme vetëm për alpinistët dhe ata që mund të ngjiteshin në lartësi të tilla, por edhe sot është e nevojshme të zvarritesh e të kalosh vështirësi, përpara se të mbërrish në këto dhoma. /tesheshi.com/
