Giro d’Italia, një prej garave më të njohura të çiklizmit ndërkombëtar, ka për herë të parë si fitues një holandez.
Tom Dumoulin fitoi edicionin e 100-të të kësaj gare trejavore, me një mbyllje emocionuese në etapën e fundit, të 21-tën, atë nga Monza në Milano.
Çiklisti që pedalon për ekipin Sunweb u bë dhe i pari holandez që fiton një turne të madh çiklistik që prej vitit 1980, kur Joop Zoetemelk triumfonte në Tour de France.
Nairo Quintana, kampioni i tre viteve të shkuara, përfundoi i dyti në renditjen përfundimtare, me 31 sekonda më shumë.
Vendi i tretë në klasifikimin përfundimtar u zu nga Vincenzo Nibali. /tesheshi.com/
