Cora dhe Miller McCoy nga SHBA nuk e panë njëri-tjetrin më shumë se 200 ditë pasi kishin lindur në javën e 30, me kushte mjekësore që kërkonin që ata të trajtoheshin në dy spitale të ndryshme.
Por, gjithçka më në fund erdhi në natyrshmëri kur vajzat, të cilat ishin ndarë tre javë pas lindjes, panë njëra-tjetrën në repartin e spitalit të Atlantës.
Në një foto të lezetshme të takimit të tyre, vajzat treguan se asgjë nuk mund ta prishte marrëdhënien e tyre motrore ndërsa shikonin në sytë e njëra-tjetrës dhe mbanin duart.
“Për shkak të qëndrimit në pavijone të ndryshme, motrat nuk u panë më shumë se 200 ditë. Kur më në fund u bashkuan dhe menjëherë i kapën duart instinktivisht, askush nuk mund t’i mbajë lotët”, shkruanin punonjësit e spitalit në Atlanta pranë fotos së botuar.
Aty ishte edhe nëna e vajzave, Lindsey McCoy.
“Zemra ime shpërtheu nga lumturia”, përshkroi ajo se si ndihej në atë moment.
Motrat u diagnostikuan me një formë të sindromës së transfuzionit binjak dhe kufizim selektiv të rritjes intrauterine, e cila ndikoi në rritjen e tyre në mitër. Cora ka lindur me 1615 gram, ndërsa Miller me vetëm 500 gram.
Miller është ende duke u rikuperuar nga operacioni në spital dhe familja shpreson që së shpejti të jenë në shtëpi të gjithë së bashku. /tesheshi.com/
