Nga Ylli Pata
Vezët i përdorin shumë në Kosovë; aq shumë sa shqiptarët që emigrojnë në Europë e kanë identifikuar punëtorin e devotshëm të Kosovës, si një kursimtar që ushqehet me vezë dhe fasule, për t’i ruajtur paratë e fituara me mund, për t`u dërguar babës që të ndërtojë shtëpi për familjen e madhe, për prindërit, vëllanë, por edhe për të ndihmuar motrën.
Shqiptarët e veriut që punojnë në perëndim, e që në fakt njihen edhe si më “dorëshpuar”, pas shumë viteve u kanë ardhur mendtë duke përmendur vëllezërit e tyre të Kosovës që “hanin vezë të skuqura” vetëm për të ndihmuar familjet e tyre.
Por, vezët janë një ushqim kombëtar edhe në Britaninë e Madhe. Ato i ha Mbetëresha por edhe punëtori. Megjithatë, hedhja e vezëve ndaj politikanëve është përdorur fort prej shumë e shumë vitesh më shumë si një metaforë sesa si një luftë guerile.
Mediat britanike kanë renditur rastet më pikate të përdorimit të vezëve ndaj politikanëve, të cilër nuk janë kursyer nga asnjëri krah.
Kështu, e famshmja BuzzFeed ka renditur 6 rastet më “VIP” të gjuajtjes me vezë.
Ruth Kelly, Sekretarja e Arsimit e Mbretërisë së Bashkuar në qeverinë e Gordon Brown, është qëlluar me vezë në vitin 2006, kur u sulmua në Salford, nga Komiteti i Prindërve gjatë një takimi me sindikalistët e pastruesve.
Kryeministri i Britanisë së Madhe, David Cameron, u qëllua me vezë në vitin 2010 gjatë fushatës elektorale në Cornwall College. Një student i Universitetit e qëlloi pa shpjeguar sepse.
Ish-lideri i partisë anti-emigracion, Nigel Farage, u qëllua me vezë në Nottingham, në vitin 2014 gjatë fushatës për zgjedhjet për Parlamentin Europian. Justifikimi: “Është burrë i vjetër që na fut frikën dhe i trishtuar”. Natyrisht, autorët ishin radikalë të majtë.
Ish-lideri i Partisë Laburiste, Ed Miliband, është qëlluar me vezë në Londrën e Jugut pikërisht 2 vjet më pare, në gusht të vitit 2013. Gjatë një aktiviteti në tregun Walworth, Miliband u qëllua si kundërshtim i disa politikave laburiste për biznesin e vogël.
Nick Griffin, parlamentari i parë i partisë së djathtë nacionaliste BNP, është qëlluar me vëzë në sheshin Westminster, para parlamentit britanik në Londër gjatë vitit 2009.
John Prescott, Zv-kryeministri i Britanisë gjatë kohës së Tony Blair, u qëllua me vezë në një takim në zonën e tij elektorale në Rhyl, gjatë vitit 2001.
Gjithçka ndodhi pasi u zbuluan fakte se ai flinte me sekretaren e tij. Por numri dy i qeverisë nuk ia përtoi dhe ia ktheu me një të majtë të fuqishme poshtë mjekrës. Megjithatë agresori ishte më i fortë se ai dhe i “tregoi vendin”. /tesheshi.com/
