A i shihni zonat e kuqe në hartë? Ato paraqesin një paralajmërim për ndryshime të papritura klimatike, shkruan Komisioni Evropian. Por gjëja më e trishtueshme është se përqendrimi i tyre është më i denduri në zonën e Gadishullit Ballkanik.
Komisioni Evropian raporton se viti 2022 ishte viti i dytë më i keq për zjarret në pyje. Në Bashkimin Evropian, pothuajse 900,000 hektarë tokë u dogjën – një zonë sa Qiproja.
“Ne nuk mund të përballojmë të humbasim pyjet dhe përfitimet unike që ato sjellin, nga rregullimi i klimës tek biodiversiteti. Zjarret pyjore, thatësira dhe ndikime të tjera kërcënojnë të ardhmen e tyre,” thotë Komisioni Evropian.
Si pjesë e propozimit të një ligji për pyjet evropiane me CopernicusEU, Komisioni Evropian planifikon të krijojë një bazë të dhënash gjithëpërfshirëse për pyjet në BE.
“Ligji ynë i ri i propozuar për Monitorimin e Pyjeve do të përdorë rrjetin tonë satelitor CopernicusEU dhe të dhënat lokale për të krijuar burime për të hartuar, monitoruar, mbledhur dhe ndarë informacione kyçe mbi pyjet evropiane. Ato do t’u mundësojnë vendeve të BE-së, pronarëve dhe menaxherëve të pyjeve që t’i marrin seriozisht sfidat për të mbrojtur të gjitha mundësitë ekologjike dhe ekonomike që ofron pylli”, thuhet në postimin e Komisionit Evropian në Instagram. /tesheshi.com/
