Kryeministri hungarez Viktor Orbán i dërgoi një letër presidencës gjermane të Bashkimit Evropian me kërcënimin për të vënë veton në buxhetin evropian pas marrëveshjes së arritur të enjten për konfiskimin e fondeve evropiane vendeve anëtare që nuk respektojnë shtetin e ligjit.
“Megjithëse Hungaria është zotuar për bashkëpunim, pas ngjarjeve të fundit ajo nuk është më e prirur njëzëri për paketën e masave të miratuara në korrik mbi buxhetin evropian 2021-27, as për planin e rimëkëmbjes pas COVID-19 që mbështetet në këtë buxhet”, thuhej në letër.
Letra iu dërgua Gjermanisë, e cila mban presidencën e BE-së, Presidentja e Komisionit Evropian Ursula von der Leyen dhe Presidenti i Këshillit Evropian Charles Michel.
Kur u pyet nga AFP për atë letër, qeveria hungareze nuk u përgjigj.
Mosrespektimi i shtetit ligjor
Parlamenti Evropian dhe Gjermania, e cila po negocion në emër të 27 vendeve, diskutuan të enjten mekanizmin e konfiskimit të fondeve evropiane në vendet që nuk respektojnë shtetin e ligjit, duke hapur rrugën për zhbllokimin e buxhetit evropian.
Varshava dhe Budapesti përsëritën kundërshtimin e fortë ndaj mekanizmit dhe kërcënuan të vinin veton në buxhetin evropian.
Të dy vendet tani po refuzojnë t’i japin dritën jeshile vendimit të BE për të huazuar fonde për një plan rindërtimi, duke vonuar procesin e ratifikimit në parlamentet kombëtare.
Nevojitet mbështetja unanime e eurodeputetëve dhe shteteve anëtare për të votuar buxhetin e BE. /tesheshi.com/
