Aida Hajnaj, numri 2 i Policisë së Shtetit, është emri i propozuar nga SPAK për të qenë në krye të Byrosë Kombëtare të Hetimit -një FBI shqiptare.
“Komisioni pasi shqyrtoi dokumentacion e katër kandidatëve që kishin ngelur ne garë, konkretisht. Z.Artur Beu, z.Ervin Hodaj, z.Idajet Faskaj dhe znj. Aida Hajnaj , në raport me kriteret e parashikuara që duhet të plotësojë Drejtori i Byrosë Kombëtare të Hetimit, vendosi që t’i rekomandojë Këshillit të Lartë të Prokurorisë, emërimin e znj.Aida Hajnaj, në pozicionin Drejtorit të Byrosë Kombëtare të Hetimit, për një mandat pesëvjeçar”, thuhet në njoftimin e SPAK.
Edhe pse opozita ka shprehur padakortësi për këtë emër, SHBA e mbështeti menjëherë. “Një hap tjetër përpara në rrugën drejt reformës në drejtësi pasi Komiteti i Përzgjedhjes dërgoi emrin e Aida Hajnaj në KLP për miratim. Ndalesa tjetër: Trajnimi i tyre me FBI-në dhe më të mirët e ligjzbatuesve amerikanë.
Gur mbi gur bëhet mur“, shkroi menjëerë ambadadorja Yuri Kim. /tesheshi.com/
