Një gjykatë lokale në Belgjikë vendosi një ditë më parë se ndalimi i mbulesës së kokës në shkollat lokale binte ndesh me lirinë fetare, bën me dije agjencia turke e lajmeve Anadolu Agency.
Vendimi erdhi pas iniciativës ligjore të prindërve të 11 nxënëseve kundër ndalimit të mbulesës së kokës në shkollat flamande në rajonin Maasmechelen.
Ky vendim nuk e mbulon gjithsesi një ndalim të përgjithshëm në shkollat flamande në rajon, raporton i njëjti burim informativ, por të 11 nxënëset do të jenë në gjendje t’i vënë mbulesat e kokës në shkollat e tyre pas 30 ditësh.
Gjykata lokale belge sqaroi se u ishte referuar dispozitave të Konventës Europiane për të Drejtat e Njeriut për të ardhur gjer te vendimi për lejimin e mbulesës së kokës në institucionet arsimore lokale.
Ndalimi i mbulesës së kokës në shkollat flamande në Belgjikë qe marrë në vitin 2015 nga Autoriteti i Arsimit i Bashkësisë Flamande, shpjegon Anadolu Agency. /tesheshi.com/
