Kandidati presidencial i krahut të djathtë në zgjedhjet presidenciale të Francës u gjobit me 10,000 euro të hënën për nxitje të urrejtjes racore pasi i quajti emigrantët vrasës, hajdutë dhe përdhunues.
Komentatori politik Zemmour po konkurron kundër presidentit centrist Emmanuel Macron në zgjedhjet e prillit. Së bashku me Zemmourin, në zgjedhje po konkurrojnë edhe kandidatja e ekstremit të djathtë Marine Le Pen dhe konservatorja Valerie Pecresse.
Zemmour u ndëshkua për një deklaratë në televizionin CNews 2020 për emigrantët e mitur që hyjnë në vend pa prindër, raportoi Reutes.
“Nuk ka asnjë arsye që ata të jenë këtu. Ata janë hajdutë, vrasës dhe përdhunues. Ata duhet të deportohen”, tha ai.
Disa javë vitin e kaluar, sondazhet treguan se Zemmour, i cili tashmë ishte dënuar për nxitje të urrejtjes racore, kishte një shans për të hyrë në raundin e dytë me Macron.
Që atëherë ai ka rënë në sondazhe dhe është i katërti pas Macron, Le Pen dhe Pecresse.
Zemmour tha se do të paraqiste një apel dhe qëndroi pas fjalëve të tij, duke thënë se gjykata po e ndëshkon atë për shprehjen e një mendimi.
Një zëdhënës i CNews u ndëshkua gjithashtu për komentet e Zemmour, thanë avokatët. /tesheshi.com/
