Kryeministri Rama, në një konferencë shtypi të pazakontë, iu qas çështjes së rikthimit të dënimit më vdekje. Shkak u bë, si për një dalje të tij të jashtëzakonshme para medias, si dhe për trajtimin e kësaj çështjeje delikate, ngjarja e rëndë në Fier, ku një person ka rrëmbyer, më pas vrarë e groposur, një të mitur 8-vjeçar.
“Kur ka ngjarje të tillë, opinioni publik, kërkojnë dënimin e rikthimit me vdekje.
E mirëkuptoj këtë reagim në emocionet shumë ekstreme të momentit nga një pjesë e madhe e shoqërisë, por çështja e dënimit me vdekje është adresuar kohë më parë, nga të gjitha vendet e BE dhe më gjerë.
Dënimi me vdekje nuk është i mundur dhe as nuk është shkop magjik për të parandaluar këto ngjarje. Këto ngjarje ndodhin në të gjitha shoqëritë.” tha Rama.
“Është tragjike, por siç e thash këto janë ngjarje ekstreme që nuk janë evituar në asnjë vend të botës.” tha Rama.
Gjithsesi, ai nuk ka la pa akuzuar gjykatat në këtë rast, që sipas tij lënë të lirë mostra të provuara.
“Problemi kryesor që ne kemi është raporti midis rezultateve të operacioneve të policisë, numrit të autorëve të identifikuar, shoqëruar e çuar në prokurori për krime të natyrave të ndryshme, me numrin e të dënuarve nga gjykatat. Bashkautor në të gjitha krimet e përsëritura ose në shumicën dërrmuese të tyre janë gjykatësit e korruptuar, të degjeneruar.”
Mbrëmjen e të martës, u zblua se Mateo Vasiu, 8-vjeç, u rrëmbye dhe u vra nga fqinji i tij Klodian Çallamani, 38 vjeç, i dënuar më parë për rrëmbim personi. /tesheshi.com/
