Një gjellë që të mbledh barkun: supë me fasule dhe elb

Supa me elb dhe fasule është një pjatë vegjetariane e realizuar me elb të zhveshur, fasule të kuqe, të bardha dhe të zeza dhe e aromatizuar me rozmarinë e mëndërz. Është e përsosur për ditët e vjeshtës dhe të dimrit, kur temperaturat zbresin, pasi i sjell dhe mjaft përfitime organizmit.

Përgatitja:

Hidhni fasulet në një enë me ujë të ftohtë që një natë më parë. Mëngjesin e ardhshëm gatuajini (kontrolloni nivelin e zierjes pasi varet shumë nga stina kur është prodhuar fasulja). Hidhni elbin në ujë të zier dhe lëreni për 20 minuta. Kulloni ujin dhe lëreni elbin mënjanë. Përgatisni salcën: në një enë hidhni pak vaj ulliri dhe shtoni në të karrot, qepë, erëza, speca të grirë imët.

Pas disa minutash perimet do të jenë zbutur. Shtoni në to fasulet dhe pak ujë. Lërini të ziejnë për 15 minuta dhe më pas shtoni edhe elbin, kripë dhe lërini përsëri të ziejnë për 15 minuta të tjera.