Një gol i pazakontë u pa në Spanjë, ku Sporting Gijon dhe Zaragoza u takuan të shtunën në ndeshjen e xhiros së 11-të të La Liga-s së dytë.
Miqtë deri në fund kishin tri pikë në xhep. Kur kaluan në epërsi 0:2 në minutën e 76-të, u duk se çështja e fituesit u zgjidh, por me këtë nuk u pajtuan lojtarët vendas, të cilët u brohoritën nga 20698 tifozë në stadiumin El Molinon.
Së pari, Victor Compuzano shkurtoi rezultatin në 1:2 në minutën e 86-të dhe në minutën e shtatë të shtesës, Pablo Insu përfitoi nga një gabim trashanik i portierit të Zaragozës, Gaetano Poussin dhe barazoi 2:2, rezultati përfundimtar.
Portieri francez donte të dërgonte një top të gjatë përpara, por harroi se pas tij ishte një “armik”.
“Ishte një intuitë e pastër. Ndërsa qëndrova pas portierit pas aksionit, kuptova se ai asnjëherë nuk ktheu kokën pas, mendova se mund të ishte një mundësi, siç dhe u provua që ishte”, tha Insua.
https://twitter.com/i/status/1713263237959925849
Ai pranoi duke qeshur se nuk dinte çfarë të bënte kur ia vodhi topin para golit.
“U gjenda në një situatë të çuditshme, nuk dija nëse t’i pasoja dikujt, madje mendoja se shokët e skuadrës mund të ishin jashtë loje. Jam munduar të reagoj sa më shpejt”, ka shpjeguar heroi i Sporting Gijon. /tesheshi.com/
