Një gabim banal dhe një rast unik. Kjo që do t’ju tregojmë më poshtë fletë për një familje angleze, e cila ka ndenjur për shtatë orë rresht nën ankth dhe dëshpërim, deri sa arritën të zbulonin diçka të papritur.
E ëma e Liz Page ishte shtruar në spital për shkak të një iktusi. Pasi kishin ndenjur për orë të tëra në pritje të përmirësimit të së ëmës, gruaja dhe bashkëshorti i saj vendosën që të ktheheshin në shtëpinë e tyre për tu qetësuar.
Në mëngjes herët marrin nj telefonatë nga spitali: 94 vjeçarja Phyllis Lilley kishte ndërruar jetë. “Më thanë se u vinte shumë keq dhe se ime kishte ndërruar jetë dhe më tej më pyetën nëse doja të shkoja ta takoja”,- rrëfen Liz për tabloidin The Sun. Sapo mbërriti në spital, Liz dhe bashkëshorti i saj u shoqëruan në një dhomë ku ndodhej trupi i pajetë i viktimës. “Ndenjëm aty për tre ose katër minuta. I thash lamtumirë dhe pasi e putha, dola nga dhoma”,- rrëfen Liz.
Shtatë orë më pas, ndërsa Liz dhe të afërmit e saj ishin drejt përfundimit me detajet e ceremonisë mortore, mjekët në spital arritën të kuptojnë se kishin bërë një gabim. Nëna e Liz nuk kishte ndërruar jetë dhe ata kishin gabuar me emërtimin e kufomave. “Më thanë : Na vjen keq, nëna juaj nuk ka vdekur, ndodhet në një pjesë tjetër të repartit”,- rrëfen Liz për The Sun.
Gjithçka dhe i tërë shqetësimi falë një gabimi të bërë nga ana e personelit të Dorset County Hospital. Zonja Phyllis kishte një emër shumë të ngjashëm me atë të një pacienteje tjetër, e cila kishte ndërruar jetë. “Nuk arrija ta kuptoja. Isha e acaruar dhe tepër e lumtur në të njëjtën kohë”,- vijon Liz. Ngjarja e pazakontë ka ndodhur rreth një vit më parë, por Liz vendosi ta tregojë vetëm tani. Mamaja e saj jeton ende dhe e ka marrë tërësisht veten./tesheshi.com/
