Me një fitore bindëse ndaj Ajaccio (5:0), PSG konfirmoi praktikisht titullin e ri të kampionatit francez. Mediat lavdërojnë lojën e frymëzuar të Kylian Mbappes, i cili me dy gola të rinj arriti numrin 26. Por lomentuesit theksojnë edhe faktin se Lionel Messi ka munguar plotësisht në fitoren madhështore të PSG-së. Paqëndrueshmëria e tij është nxitur më tej nga reagimi i fansave në Parkun e Princave.
Kjo ishte ndeshja e parë e Messit pas kthimit nga Arabia Saudite. Argjentinasi e arsyetoi largimin e tij në Riad me një detyrim kontraktual me Ministrinë e mbretërisë së lartpërmendur. Klubi e pranoi këtë dhe i hoqi pezullimin dy-javor, kështu që Messi ishte në ekip për ndeshjen. Ndoshta do të kishte qenë më mirë për të nëse nuk do të ishte shfaqur…
Ashtu si në Koloseun Romak, një pjesë e turmës në Parkun e Princave brohoritën negativisht për shtatë herë fituesin e Topit të Artë, me çka një numër i konsiderueshëm e përshëndetën me fishkëllima dhe gishtat poshtë.
Një pjesë e tifozëve të Messit tentuan në minutën e 58-të të lojës të interpretonin një këngë në spanjisht për nder të kampionit të botës. Por kjo nuk ndihmoi. Argjentinasi mezi priti fundin e ndeshjes. Ai nuk hodhi asnjë shikim drejt tribunës, por ishte i pari që nxitoi në dhomën e zhveshjes.
Trajneri i PSG-së, Christophe Galtier nuk donte të komentonte atmosferën armiqësore të tribunave përballë Messit, por shokët e tij të skuadrës, Renato Sanches dhe Danilo Pereira e bënë këtë.
“Kjo është e papërshtatshme për të gjithë, veçanërisht për Leon, sepse asnjë lojtar nuk shijon momente të tilla. Sigurisht që është e vështirë për të, por është një situatë që nuk mund ta kontrollojmë,” tha Sanches.
“Është e vështirë kur dëgjon që gjysma e tifozëve të shajnë shokun tënd. Edhe ty të dhemb, sepse jemi të gjithë bashkë në fushë. Nëse ata shajnë njërin prej nesh, është sikur po na nënçmojnë të gjithëve,” tha Danilo.
Kontrata e Lionel Messit me PSG-në skadon në fund të sezonit. Nëse do të kishte edhe një dyshim të vogël në kokën e tij për qëndrimin në Paris, pas përvojës së së shtunës, ai definitivisht nuk ekziston më. /tesheshi.com/
