Këngëtari i njohur Liam Payne ka ndërruar jetë në moshën 31-vjeçare, pasi ra nga ballkoni i hotelit ku ishte akomoduar, në Argjentinë. Ra apo u hodh vetë, kjo mbetet për t’u sqaruar ga hetimet.
Si njihej si ylli i “One Direction”, duke patur një fund tipik prej njerëzish me famë që degradojnë prej veseve.
Kjo pasi Liam kishte shfaqur sjellje të çrregullt në hollin e hotelit, ku theu laptopin e tij dhe më pas u kthye në dhomë.
Sipas policisë së kryeqytetit argjentinas, oficerët morën njoftim për “një person agresiv që mund të ishte nën efektet e drogës dhe alkoolit” dhe se “një zhurmë e fortë ishte dëgjuar në oborrin brendshëm të hotelit”.
Kujtojmë se Payne zbuloi në qershor të vitit 2021 se ai luftoi me varësinë nga alkooli dhe droga në një moment kur “One Direction” ishte në turne dhe se gjërat u bënë aq keq sa kishte mendime të rënda për vetëvrasje. /tesheshi.com/
