Biznesmeni kontrovers rus Viktor Bout i dërgoi një telegram ish-presidentit amerikan Donald Trump, duke e ftuar atë të vizitojë Rusinë.
Siç tha Bout pas dërgimit të telegramit, ai beson se jeta e Trump është në rrezik.
“Sot i dërgova një telegram ish-presidentit të SHBA-së, Donald Trump. Së pari, besoj se jeta e tij është në rrezik. Gjyqi që filloi në New York nuk do të përfundojë vetëm me dënimin e Donald Trump dhe humbjen e shansit për postin e presidentit”, shtoi Bout.
Bout e ftoi Trumpin në Moskë dhe i ofroi mbrojtje dhe azil politik në mënyrë që të mund të udhëheqë “një rebelim kundër globalistëve dhe të shpëtojë popullin amerikan”.
Bout, një kontrabandist armësh, u lirua si pjesë e një shkëmbimi të të burgosurve midis Rusisë dhe SHBA-së në dhjetor 2022.
Ai u arrestua në Bangkok në vitin 2008 me urdhër të një gjykate lokale me kërkesë të SHBA. Në prill të vitit 2012, ai u dënua me 25 vjet burg dhe një gjobë prej 15 milionë dollarësh. /tesheshi.com/
