Presidenti francez Emmanuel Macron pritet të ofrojë një “ofertë dialogu” me evropianët gjatë bisedimeve për strategjinë e mbrojtjes së vendit të tij, në mënyrë që Evropa të mos jetë “thjesht një spektator” kundër SHBA-së, Kinës dhe Rusisë gjithnjë e më të paqëndrueshme, njoftoi zyra e tij.
Kreu i shtetit francez do mbajë një fjalim me temën e pengimit bërthamor para 600 personave në Shkollën Ushtarake në Paris.
Atashe ushtarakë nga vende të shumta, partnerë historikë, përfshirë Rusinë, Pakistanin dhe Izraelin, si dhe përfaqësues të fuqive bërthamore, janë të ftuar aty.
Fjalimi, i cili zgjat rreth një orë, duhet të mbahet nga çdo president francez, i cili është edhe komandanti i Forcave të Armatosura dhe i vetmi që vendos për përdorimin eventual të një arsenali ushtarak bërthamor.
Champs-Elysées deklaroi se Macron, ashtu si paraardhësit e tij, do të mbajë një fjalim në përputhje me situatën aktuale botërore, në të cilën fuqia bërthamore lufton për dominim në zona të ndjeshme si Siria, Libia dhe Deti Kinez.
Macron gjithashtu duhet të përmendë përfundimin e Marrëveshjes Bërthamore (INF) mes SHBA-së dhe Rusisë.
Gjatë vizitës së tij të fundit në Poloni, presidenti francez tha se interesat e vendeve evropiane duhet të merren parasysh. Ai shtoi se ekzistonte shqetësimi për vendimet e SHBA-së për t’u përfshirë më pak në skenën shumëpalëshe, me urdhër të presidentit amerikan Donald Trump.
Sipas Macron, përgjegjësia e Francës është edhe më e madhe pas tërheqjes së Britanisë nga anëtarësimi në BE, pasi Franca tani është vendi i vetëm me bomba atomike në Union.
Macron do të propozojë një axhendë të çarmatimit bërthamor gjatë fjalimit, duke justifikuar parimin e posedimit francez të një bombe atomike. /tesheshi.com/
