Sali Berisha është rizgjedhur teatralisht në krye të një prej gy gjysmave të PD, apo ndryshe Rithemelimit, pas një garë teatrale me një rival më shumë se modest si Ibsen Elezi nga Kukësi, për t’u finalizuar nga një fjalim po aq teatral.
“U krye jo zgjedhja e Sali Berishës, po mrekullia e vërtetë shqiptare e Shqipërisë në shekullin e 21-të! Nuk kam një fjalim të gjatë. Kam një përulje të madhe dhe një mirënjohje të pa kufijshme për të gjithë ata burra dhe gra, djem e vajza, që në një hark kohor ngadhënjyen si njerëz të lirë në një proces që do të regjistrohet në historinë e shqiptarëve si mrekullia e 8 e shekullit të 21”, tha në mënyrë anekdodike njeriu i shpallur “non grata” nga SHBA.
Dhe duke qenë se procesi ishte qartazi dhe një sfidë ndaj politikës amerikane, e cila nuk e pranon e s’e njeh më si aktor apo faktor politik, ai vijoi diversionet e tij tipike:
“31 vite më parë, një mik i madh i kombit tonë në vizitën e tij historike, Jim Bekker do u thoshte shqiptarëve se ju do të jeni të lirë të zgjidhni udhëheqësit tuaj”, tha Berisha, si një përgjigje Amerikës me citimin e një amerikani.
Çështja është se siç është paralajmëruar, këtë lloj PD-je, me Berishën kryetar, SHBA nuk do ta njohin. /tesheshi.com/
