Lionel Messi ka konfirmuar se do të luajë ndeshjen e tij të fundit në Kupën e Botës të dielën, kur Argjentina do të përballet me Francën ose Marokun në finalen e Kupës së Botës në Katar.
Messi udhëhoqi Argjentinën në një fitore 3-0 ndaj Kroacisë në gjysmëfinalen e tyre të martën dhe do të luajë ndeshjen e tij të 172-të për Argjentinën në fundjavë, ndërsa synojnë titullin parë në Kupën e Botës që nga viti 1986.
“Jam shumë i lumtur që mund ta arrij këtë, të përfundoj rrugëtimin tim në Kupën e Botës duke luajtur ndeshjen time të fundit në finale”, tha Messi për gazetën sportive argjentinase Diario Deportivo Ole.
“Do të kalojnë shumë vite deri në kampionatin e ardhshëm dhe nuk mendoj se do të mundem. Dhe për të përfunduar kështu, kjo është më e mira”, tha kapiteni argjentinas.
35-vjeçari po luan në Kupën e tij të pestë të Botës, duke tejkaluar katër ish-yje të Argjentinës, përfshirë Diego Maradonan dhe Javier Mascheranon.
Me golin e tij të pestë në Katar, ai gjithashtu kaloi Gabriel Batistutan si golashënuesi më i mirë i Argjentinës në Kupat e Botës, duke shënuar 11 herë.
“Është gjithçka e bukur (rekord), por është e rëndësishme të arrish objektivin e grupit, që është gjëja më e bukur nga të gjitha”, shtoi Messi.
“Ne jemi vetëm një hap larg qëllimit, pas një lufte të vështirë dhe do të bëjmë më të mirën për ta bërë këtë këtë herë”. /tesheshi.com/
