Shumë adhurues të muzikës techno dhe house morën pjesë në festivalin Verknipt në Utrecht (aty ku Basha ka kryer studimet, pra në Hollandë, si dhe ka një shtëpi), i cili u zhvillua midis 3 dhe 5 korrikut, por ngjarja e shumëpritur e muzikës masive e ktheu atë në një vatër të re të koronavirusit.
Për të hyrë në event, vizitorët duhej të siguronin një certifikatë vaksinimi, një vërtetim për kalim COVID-i, ose një test negativ, shkruan Spiegel.
Dhjetë ditë më vonë, mbërrin lajmi se megjithë masat paraprake të marra, gati 1 mijë vizitorë të festivalit u infektuan me koronavirus, dhe ky numër mund të rritet.
Kjo është rreth pesë përqind e numrit të përgjithshëm të vizitorëve në eventin dy-ditor.
Zëdhënësja e Institutit Shëndetësor hollandez, Lydia van der Meer tha se numri i të infektuarve mund të rritet në ditët në vijim.
“Ende, ne besojmë se jemi në kulmin e valës tani,” tha ajo.
Sipas saj, organizatorët u përmbaheshin masave epidemiologjike. /tesheshi.com/
