“Jam 10 vjeçe dhe nuk kam frikë”. Alzain Tareq është një notare nga Bahrain dhe ka zbritur në pistën e notit ku ka marrë pjesë në konkursin botëror në stilin flutur.
Ajo ka dalë e fundit në këtë garë, por ka thyer një rekord, i cili ka të bëjë me atë të personit me moshën më të re që merr pjesë në të tilla gara. “Dua të bëhem një kampione e madhe dhe të marr pjesë në Olimpiada. Më pëlqen të notoj. A është një surprizë për mua kjo garë? Në të vërtetë nuk e mendoja ndonjëherë se do të shkoja aq larg”,- thotë e vogla Alzain.
Notarja e re ka marrë pjesë në garën e notit në stilin flutur për 50 metra, ku notarja më e mirë, suedezja Sarah Sjostrom ,e cila fitoi vendin e parë, ka arritur në finish 16 sekonda më herët se e vogla Alzain Tareq./tesheshi.com/
