Rreth 4 hektar pyje te mbjella me drunj pishe dhe akacie –bagrem, janë bërë shkrumb e hi në vendin e quajtur Llanak, përkatësisht në kodrën e Pishtarit, në fshatin Smrekovnicë të Komunës së Vushtrrisë.
Dhe falë ndërhyrjes së banorëve, por edhe të njësisë së zjarrfikësve të Vushtrrisë, të cilët në kohë rekord kanë dal në vendin e ngjarjes, është mundësuar lokalizimin dhe fikja e tërësishme e zjarrit.
Hazir e Nexhat Mustafa, banorë të Smrekovnicës dhe dëshmitarë okular të zjarrvënies, thanë për portalin ‘tesheshi’ se “zjarri është vënë nga një çoban, fëmijë i fshatit fqinjë Pasomë”.
“Kam qenë në krejt në anën tjetër parpërballë dhe kam vrojtuar një fëmijë që po ruante lopët e që i ka vënë zjarrin. E kam thirrë që të fikë zjarrin, por ai mori lopët dhe u larguar nga aty duke lënë zjarrin të përhapet”, ka thënë Haziri.
“Menjëherë kam telefonuar zjarrfikësit dhe policinë dhe kam njoftuar për zjarrin dhe vendin, ndërsa ne të njëjtën kohë kam ftuar edhe kushërinjtë e mi që të dalin e ta fikim këtë zjarr”, ka shtuar Haziri.
Sipas tij, këto pisha e bagrem ka mbi 30 vite që janë mbjellë dhe janë ruajtur si sytë e ballit. Ka pasur edhe zjarre të tjerë, sqaron ai, por kanë qenë banorët që u duke u oreganizuar mes vedi kanë mundur t`i shuajnë pa krijuar dëme.
Por zjarri i së shtunës, ka qenë fatal për një sipërfaqe të madhe, gati prej 4 hektarësh.
Gjithsësi, Haziri ka falënderuar njësinë e zjarrfikësve të Vushtrrisë të cilët në kohë rekorde kanë dalë në vendin e ngjarjes.
Nga ana e tij, drejtori i Drejtorisë për Mbrojtje dhe Shpëtim, Musa Draga si dhe zëdhënësi i policisë Avni Zahiti, kanë apeluar tek popullata që të jenë shumë të kujdesshëm dhe të mos ndezin zjarre.
“Tani po vjen vala e të nxehtit, pra piku i verës ku temperaturat priten të jenë të larta, apelojmë tek popullata që të jenë shumë të kujdesshme dhe të mos ndezin zjarre”, kanë thënë zyrtarët institucional në fjalë.
Sipas tyre ndezja e zjarreve dhe dëmtimi i pyjeve është vepër penale, për çka policia dhe institucionet e drejtësisë dhe Prokurorisë do të reagojnë që zjarrvënësit t`i nxjerrin para drejtësisë e të marrin dënimin e merituar. /tesheshi.com/
