Një etiketim i ri i Berishës për Bashën

Ish-lideri demokrat Sali Berisha voto, si qindra ndjekës të tij në të gjitha nivelet, në referendumin për shkarkimin e Bashës.

Dhe, nën prirjen hiperbolizuese, tha kjo ndodh “për herë të parë në histori”.

“Për herë të parë në histori është anëtarësia që vendos për shkarkimin e Lulzim Bravës, nga ajo detyrë që siç dëshmoi nuk e ka merituar ndonjëherë, ky është një kapitull i ri në rrugën e rithemelimin e PD-së dhe pluralizmit politik shqiptar”.

Njëherësh, me një etiketim të ri ndaj Bashës, Berisha e sulmoi atë dhe për Kuvendin e thirrur këtë ditë.

“E patë ju Lul Bravën që në anti kuvendin e tij ka mbledhë nga nxënë shkollash deri në personat me kryetarë me dy mandate të PD-së.

Nga ana tjetër shikoni ngadhnimin e opozitës së vërtetë, që ka sjellë entuziazëm dhe shpresë të madhe në të gjithë shtresat e tjera të popullsisë në Shqipëri. Shikoni krahun tjetër sesi po shëmtohet çdo ditë e më shumë me aktet e veta me ato që bën Lulzim Brava”, tha Berisha. /tesheshi.com/