Një ndër emrat më të njohur të drejtësisë shqiptare, ish-kryeprokurori Maks Haxhia, sot avokat, kundërshtoi ashpër hartën e re gjyqësore, duke e konsideruar atë dhe si një tregues sipas tij të dështimit të Reformës në Drejtësi.
“Reforma në Frejtësi ishte e pastudiuar, dështoi. Nuk mund të bëhet reformë tjetër (hartë gjyqësore) për të zgjidhur kolapsin e të parës. Gjykata e Apelit ishte dështim, korrupsioni ka nisur në atë gjykatë.
Apeli ka ende çështje të 2015 pa zgjidhur. Shqipëria nuk është Tirana, nuk mund të ketë gjykatë vetëm në Tiranë. Po masakroni drejtësinë.
Mos gënjeni, duhen të paktën 4 gjykata apeli, 4 gjykata administrative, se e dini çfarë do të ndodhë…”, tha ai në një tryezë diskutimi mes dhomës së avokatisë së Vlorës, KLGJ-së dhe Ministrisë së Drejtësisë.
“Unë kam shpresën që me ndikimin tonë, mirë është që të mos kalohet në ekstrem. Ti koordinojmë pak gjërat, të ruajmë balancat dhe të mos dëmtojmë komunitetet”, theksoi avokati i njohur. /tesheshi.com/
