Një ekip nga Universitetit të Oksfordit pretendon se ka bërë një përparim të madh në garën botërore për vaksinën e koronavirusit.
Nëse shumica e ekipeve të tjera duhej të fillonin prova të vogla klinike, me qindra vullnetarë, shkencëtarët në Institutin Jenner të universitetit thonë se kishin avantazhin në fillim, pasi studimet e mëparshme kishin treguar që inokulimet e ngjashme – përfshirë testimin e vitit të kaluar për koronavirusin e mëparshëm – ishin të sigurta për njerëzit
Si rezultat, më shumë se gjashtë mijë njerëz do të testohen deri në fund të muajit të ardhshëm, dhe ata shpresojnë të dëshmojnë jo vetëm që vaksina është e sigurt, por edhe se është efektive.
Ata gjithashtu thonë se nëse autoritetet miratojnë vaksinën, miliona doza do të jenë në dispozicion deri në shtator, disa muaj përpara nga ndonjë ekip tjetër.
Shkencëtarët në një laborator në Montana (SHBA) muajin e kaluar u dhanë majmunëve rezusë një dozë të vetme të vaksinës dhe më pas i ekspozuan ato në sasi të mëdha të koronavirusit SARS-CoV-2, gjë që shkakton infeksionin COVID-19.
Për shkak të këtyre sasive, majmunët e tjerë u sëmurën vazhdimisht, por më shumë se 28 ditë më vonë, të gjashtë majmunët që morën vaksinën ishin të shëndetshëm.
Sigurisht, imuniteti i majmunit nuk është një garanci që vaksina do të funksionojë në mënyrë të barabartë tek njerëzit. Sidoqoftë, kompania kineze SinoVac, e cila së fundmi filloi testimin për 144 persona, gjithashtu pretendon se vaksina e tyre është efektive tek majmunët rezus. /tesheshi.com/
