Për herë të parë, kryeministri Rama ka potencuar të qënit muslimanë të atyre që shpëtuan e mbrojtën hebrenjtë në Shqipëri gjatë Luftës së Dytë Botërore. Thjesht e ka futur në kllapa këtë fakt në mesazhin e tij në Ditën e Holokaustit, duke lënë aty disa lexime mes rreshtash, mes tyre ndoshta dhe një lloj “ledhatimi” ndaj muslimanëve të zemëruar me të këto kohë elektrorale, ku llogaritë e votave bëhen më të mpehta, si për puthadorjen ndaj Izraelit e si për shtetin e synuar bektashi.
“Sot, në Ditën e Përkujtimit të #Holocaustit, ne nderojmë miliona njerëz të humbur dhe qëndrueshmërinë e atyre që mbijetuan. Kujtojmë gjithashtu me krenari se falë trimërisë së gjyshërve dhe nënave tona (kryesisht myslimane), Shqipëria, një komb i vogël me zemër të madhe, u bë një vend i shenjtë – duke dalë nga Lufta e Dytë Botërore si i vetmi vend evropian me më shumë hebrenj se më parë”, shkruan Rama.
Po ashtu, ai hedh një paralele mes antisemitizmit dhe islamofobisë, por e shkel rëndë më tej, duke e etiketuar rezistencën palestineze, atë tuneleve si “terror” dhe duke papagalluar të drejtën e Izraelit për të ekzistuar, edhe pse është afirmuar si shtet terrorist.
“Ne qëndruam atëherë, dhe qëndrojmë tani, kundër antisemitizmit dhe islamofobisë. Ne duam që hebrenjtë dhe palestinezët të jetojnë në paqe si fqinjë në dy shtete sovrane; pa tunele terrori poshtë dhe askush nuk e vë në dyshim të drejtën e Izraelit për të ekzistuar. Popullit hebre i themi sot: Shqipëria do të jetë gjithmonë shtëpia juaj. Ejani, vizitoni, investoni dhe le të ndërtojmë një të ardhme më të përbashkët të rrënjosur në shpresë dhe unitet”, shkruan pagëlltitshëm Rama. /tesheshi.com/
