Provat klinike të vaksinës eksperimentale, të prodhuara nga kompania farmaceutike amerikane Novavax, janë treguar të efektshme në mbrojtjen kundër koronavirusit në 89 përqind të rasteve, por ishin më pak efektive në parandalimin e një lloji të ri të zbuluar së pari në Afrikën e Jugut.
Novavax, një kompani e zhvillimit të vaksinave në SHBA, tha se një provë e fazës III që përfshiu më shumë se 15,000 njerëz në Mbretërinë e Bashkuar tregoi një efikasitet të lartë prej 89 përqind në parandalimin e COVID-19.
Por një provë e dytë e fazës 2b, në më shumë se 4,400 njerëz në Afrikën e Jugut, rezultoi më pak efektive me një përqindje suksesi 50 për qind në parandalimin e COVID-19.
Sidoqoftë, kur u analizuan të dhënat vetëm për njerëzit me HIV negativ, shkalla e efikasitetit u rrit në 60 përqind.
Në rastin e Afrikës së Jugut, mbi 90 për qind e rasteve COVID-19 të analizuara tashmë i atribuoheshin variantit të Afrikës së Jugut.
Lajmi erdhi disa orë pasi Shtetet e Bashkuara raportuan rastin e tyre të parë të konfirmuar të variantit të Afrikës së Jugut. /tesheshi.com/
