Paraardhësi i saj, Gendler, u qortua pas publikimit të një dokumenti në të cilin ambasadorja mbështet një plan të diskutueshëm për reformat zgjedhore në BiH, i cili kundërshtohet nga qeveria lokale dhe mbështetet nga partitë nacionaliste.
Galit Peleg do të zëvendësojë ambasadorin aktual të Izraelit në Shqipëri, Noah Gal Gendler, i cili ishte gjithashtu përgjegjës për çështjet diplomatike me Bosnjën, raporton media e kësaj të fundit, pasi në këtë vend ballkanik po ka një fërkim me diplomacinë izraelite, për shkak se Tel Avivi po mbron një ligj zgjedhor të debatueshëm.
Kjo media kujton se Peleg deri më tani ishte drejtore e Departamentit të Diplomacisë Publike dhe Çështjeve Akademike në Konsullatën e Përgjithshme të Izraelit në Neë York.
Ajo studioi në Universitetin Hebraik në Jerusalem, ku u diplomua në dy departamente: Studime Islame dhe Lindore të Afërt dhe Marrëdhënie Ndërkombëtare. Ajo iu bashkua shërbimit diplomatik izraelit në vitin 1998.
Në periudhën 1999-2000 ka qenë zëvendësambasadore në Marok dhe në të njëjtën pozitë ka shërbyer në Serbi nga viti 2001 deri në vitin 2005.
Qortim për Gendlerin
Më herët u raportua se Ministria e Jashtme e Izraelit e qortoi Gendlerin të mërkurën për ndërhyrjen e tij në punët e brendshme të këtij shteti ballkanik, raportojnë mediat izraelite.
Sipas Haaretz, qortimi erdhi dy javë pas publikimit të një dokumenti në të cilin ambasadori mbështet një plan të diskutueshëm për reformat zgjedhore në Bosnje, i cili kundërshtohet nga qeveria lokale dhe mbështetet nga partitë nacionaliste.
Kryeministri Yair Lapid, i cili është gjithashtu ministër i Jashtëm i Izraelit, urdhëroi që ambasadori Noah Gal Gendler të qortohej pas publikimit të një editoriali të Haaretz që bënte thirrje për një përgjigje të kryeministrit pas “një qasjeje të re në diplomacinë izraelite”.
“Me udhëzimet e Kryeministrit dhe Ministrit të Punëve të Jashtme Yair Lapid, Drejtori i Përgjithshëm i Ministrisë së Punëve të Jashtme Alon Ushpiz qortoi ambasadorin izraelit në Shqipëri dhe Bosnje për sjelljen e tij në rastin e
përshkruar në gazetën e përditshme Haaretz,” tha diplomacia izraelite në një deklaratë.
Dokumenti i Ambasadës në qendër të polemikave u publikua në përgjigje të planit zgjedhor të promovuar nga Zyra e Përfaqësuesit të Lartë, raporton Haaretz, duke shtuar se kritikët e ndryshimeve të propozuara në ligjin zgjedhor besojnë se ato do të minimizonin ndikimin politik të hebrenjve, romëve dhe pakicave të tjera.
E pyetur nga kjo gazetë për të komentuar kundërshtimin e komunitetit hebre ndaj ndryshimeve të propozuara – të cilat do të konsolidonin fuqinë e partive etno-nacionaliste – Ministria e Jashtme izraelite tha se besonte se do të mbronte hebrenjtë vendas.
Në atë kohë, Ministria deklaroi se dokumenti i diskutueshëm shpreh “mbështetje për ruajtjen e të drejtave të komunitetit hebre në shtet” dhe se ai u krijua “pas një nisme lokale për ndryshimin e ligjit zgjedhor dhe frikës për dëmtimin e këtyre të drejtave”. /tesheshi.com/
