Një ditë më parë qeveria nisi zyrtarisht funksionimin e saj, pas betimit të bërë në Presidencë. Ndërkohë sot, ka filluar proccesi i dorëheqjeve të drejtorëve të LSI-së, parti e cila ishte në koalicion me PS në mandatin 2013-2017.
Kreu i Inspektoratit Shtetëror të Mjedisit, Ergys Agasi, paraqiti dorëheqjen nga ky post, ndërsa falënderoi ministrin Lefter Koka.
“Këto 4 vite, në krye të institucionit të ISHMP mund të them me bindje se kanë shënuar reforma thelbësore në misionin e objektivat e këtij institucioni !
Falenderoj në këtë ditë të fundit të punës sime, ekipin e ISHMP në rang vendi, nga drejtuesit deri te inspektoret e terrenit, për profesionalizmin dhe përkushtimin e tyre ne misionin tonë në mbrojtjen e mjedisit!
Privilegj të bashkëpunoja me Ministrin Koka, i cili më dha besimin të drejtoja një institucion të rëndësisë veçantë.
Falë vizionit të tij për reformen institucionale administrative, të ndërmarre në Ministrinë e Mjedisit, u krijua ISHMP institucion shtetëror që u rrit, e konsolidua duke përballuar sfidat më të vështira në fushën e mjedisit”, tha Agasi. /tesheshi.com/
