Një ditë para përvjetorit të radhës së 21 Janarit, një prej zhvillimeve më dramatike e të përgjakshme me fokus politik në post-komunizëm, ministri i Drejtësisë, Ulsi Manja, tha se “i takon drejtësisë të bëjë drejtësi në lidhje me 21 Janarin”.
Sipas tij, vendimi i Gjykatës së Strasburgut mbi rastin e Aleks Nikës, një prej katër viktimave, përbën një lehtësim.
“Të zbardhet e vërteta në të gjithë dimensionin si ngjarje. Ndjehemi të lehtësuar për vendimin e Strasburgut, është lehtësim për ne. Tashmë i takon drejtësisë të bëjë drejtësi”, tha Manja.
Vendimi i Strasburgut në lidhje me të ndjerin Aleks Nika konkludon se ka dy shkelje në këtë çështje: vrasja dhe më pas moszbardhja e krimit. /tesheshi.com/
