Një nga ndërtesat më të vjetra në Kopenhagë u përfshi nga flakët dhe kulla ikonike e saj u shemb.
Çatia e bursës së shekullit të 17-të, ose Boersen, e cila dikur ishte qendra financiare e Danimarkës, u përfshi nga flakët të martën.
Ndërtesa, e vendosur pranë Pallatit Christiansborg, ku parlamenti mban seancat e tij, është një atraksion i njohur turistik. Kulla e saj dalluese, në formë si bishtat e katër dragonjve të ndërthurur së bashku, kishte një lartësi prej 56 metrash.
#Børsen lige nu 😢 #dkpol #dkmedier pic.twitter.com/V7d9cj8b95
— Niels Peder Ravn (@npravn) April 16, 2024
Shtëllunga të mëdha tymi u ngritën prej aty njerëzit u panë duke nxituar në ndërtesë për të shpëtuar pikturat. Mediat daneze raportuan se po bëhet evakuimi i aneksit të parlamentit.
Ministri danez i Kulturës Jakon Engel-Schmidt tha se ishte “prekëse” të shohësh kalimtarët të ndihmojnë shërbimet e urgjencës “për të shpëtuar thesaret e artit dhe pikturat ikonike nga ndërtesa që digjet”.
The historic copenhagen stock exchange is burning.#borsen pic.twitter.com/g0foFlBbjU
— Patrick Gerling (@gerling_p) April 16, 2024
Policia dhe zjarrfikësit po punonin jashtë godinës, e cila ishte e rrethuar me skela. Shërbimet e urgjencës kanë shkuar në vendngjarje, por nuk raportohet për të lënduar.
Dhoma Daneze e Tregtisë ka selinë e saj në këtë ndërtesë që u ndërtua në 1615. Kreu i dhomës, Brian Mikkelsen, ishte mes atyre që ndihmuan në nxjerrjen e veprave të artit nga ndërtesa.
Policia tha se ata po evakuonin ndërtesat në rrugën ku ndodhet Boersen, përfshirë Ministrinë e Financave. Është urdhëruar edhe evakuimi i aneksit të parlamentit danez, që ndodhet në bllokun pas bursës së vjetër, raportojnë mediat daneze.
Policia njoftoi në rrjetin social X se rruga kryesore e Kopenhagës është mbyllur dhe qytetarët duhet të presin që rajoni të mbyllet për një kohë. /tesheshi.com/
